IPL 2022: ‘யாருமே தேர்வு செய்யாத பெஸ்ட் XI’…வித்தியாசமாக தேர்வு செய்த பீட்டர்சன்: இவருக்கும் இடமா?

IPL 2022: ‘யாருமே தேர்வு செய்யாத பெஸ்ட் XI’…வித்தியாசமாக தேர்வு செய்த பீட்டர்சன்: இவருக்கும் இடமா?

15ஆவது சீசன் கடந்த சீசன்களைவிட, முற்றிலும் மாறுபட்டதாக இருக்கிறது. காரணம் இந்த சீசனுக்கான மெகா ஏலத்திற்கு முன்பு, ஒரு அணி 4 வீரர்கள் வரை மட்டுமே தக்கவைக்க அனுமதிக்கப்பட்டது. இதனால், பல வீரர்கள் அணி மாறி விளையாடும் நிலை ஏற்பட்டது. பல ஆண்டுகளாக சன் ரைசர்ஸ் அணிக்கு விளையாடி வந்த வார்னர், டெல்லி அணிக்கு இடமாறினார். இப்படி பல நட்சத்திர வீரர்கள் அணி மாறினர்.

இதனால் மும்பை இந்தியன்ஸ், சென்னை சூப்பர் கிங்ஸ் ஆகிய ஸ்டார் அணிகள், முக்கிய வீரர்களை இழந்து தடுமாறியது. தொடர்ந்து தோல்விகளை சந்தித்து கடைசி இரண்டு இடங்களையும் பிடித்தது. மேலும் புதிதாக வந்த லக்னோ சூப்பர் ஜெய்ண்ட்ஸ், குஜராத் டைடன்ஸ் அணிகள் அபாரமாக செயல்பட்டு தொடர்ந்து புள்ளிப் பட்டியலின் டாப்பில் நீடித்து வந்தன.

இறுதியில் கோப்பைக்காக குஜராத் டைடன்ஸ், ராஜஸ்தான் ராயல்ஸ் அணிகள் மோதிய நிலையில், இறுதியில் குஜராத் அபார வெற்றியைப் பெற்று அசத்தியது.

இந்நிலையில் இந்த 15ஆவது சீசனில் சிறப்பாக செயல்பட்ட வீரர்களை வைத்து சச்சின் உட்பட பலர் பெஸ்ட் லெவன் அணியை தேர்வு செய்து வருகிறார்கள். தற்போது கெவின் பீட்டர்சனும் லெவன் அணியை தேர்வு செய்துள்ளார். அதில், யாரும் தேர்வு செய்யாத இரண்டு பேரை தேர்வு செய்துள்ளார்.

கேப்டன்:

பீட்டர்சன் அணியில் ஓபனர்களுக்கான இடங்களில் ஜாஸ் பட்லர், குவின்டன் டி காக் ஆகியோர் இடம்பெற்றுள்ளனர். டி காக்கை இதுவரை யாருமே தேர்வு செய்யவில்லை. அடுத்து கே.எல்.ராகுல், டேவிட் மில்லர் ஆகியோருக்கு வாய்ப்பு கொடுத்துள்ளார். தொடர்ந்து ஹார்திக் பாண்டியாவுக்கு இடம் கொடுத்துவிட்டு, அவரை கேப்டனாகவும் போட்டுள்ளார்.

அஸ்வினுக்கு வாய்ப்பு:

அடுத்து பினிஷருக்கான இடத்தில் லியம் லிவிங்ஸ்டன் பெயர் இடம்பெற்றுள்ளது. தொடர்ந்து ரவிச்சந்திரன் அஸ்வினுக்கு இடம் கொடுத்துள்ளார். அஸ்வினையும் இதுவரை யாருமே தேர்வு செய்யவில்லை.

தொடர்ந்து ராகுல் தேவத்தியா, உம்ரான் மாலிக், யுஜ்வேந்திர சஹல், ஜோஷ் ஹேசில்வுட் ஆகியோருக்கு வாய்ப்பு வழங்கியுள்ளார். இவரது அணியில் பும்ரா, முகமது ஷமி ஆகியோருக்கு வாய்ப்புகள் வழங்கப்படவில்லை என்பது குறிப்பிடத்தக்கது.

பீட்டர்சன் தேர்வு செய்த அணி: ஜாஸ் பட்லர், குவின்டன் டி காக், கே.எல்.ராகுல், டேவிட் மில்லர், ஹார்திக் பாண்டியா (கேப்டன்), லியம் லிவிங்ஸ்டன், ரவிச்சந்திரன் அஸ்வின், ராகுல் தேவத்தியா, உம்ரான் மாலிக், யுஜ்வேந்திர சஹல், ஜோஷ் ஹேசில்வுட்.